كيف اسوي خطة تسويق؟

كيف اسوي خطة تسويق؟   في نهاية السنة، كل الشركات تبدأ ترتب خططها التسويقية للعام الجديد، وأكيد كل أصحاب المشاريع يسوون خطط تسويقية لكن على مدى أقصر (شهر، 3 شهور، 6 شهور) لأن البعض يجرب أولاً أيش طريقة التسويق الأكثر فعالية بالنسبة له.دايم تسمعون عن خطة التسويق بس وش فائدتها؟ وليش نسويها؟ نسويها عشان نعرف سياسة التسويق اللي راح نعتمدها الفترة الجاية، إيش طريقتها، وكم مصاريفها، وأيش نتوقع منها؟ خطة التسويق تجاوب على هذه الأسئلة عشان بعد ما نخلص تنفيذ الخطة نقدر نقيم كيف كانت، وكيف راح نطور الخطط القادمة.تساعدك الخطة التسويقية على تحديد وتخصيص الميزانية المتوقعة، تحفيز الفريق اللي يشتغل على التسويق، وكمان إدارة العمل لأن بيكون عندك خطة وخطوات موزعة على الوقت وكل أحد في الفريق بيكون عارف شغله.في الخطة التسويقية راح تحتاج توظف ناس، وتحط ميزانية للعمل، وترتب خطوات التمويل حقتها، عشان كذا غلط أنك بدون خطة تمشي وتصرف بشكل فوضوي على الأنشطة التسويقية بدون تخطيط مسبق.