المقابلة الشخصية من عقبة إلى فرصة

المقابلة الشخصية من عقبة إلى فرصة المقابلة الشخصية من عقبة إلى فرصةالمقابلات جزء من حياتنا المهنية، سواء كنا موظفين، طلاب، أصحاب مشاريع وغيره. أنا كصاحبة مشاريع كثير أسوي مقابلات لما أكون مقدمة على برامج احتضان ولا على دعم ولا حتى على قرض! كل أحد بيمر بالمقابلات بحياته ومحد يبغى يحولها لعقبة توقف في طريقه، بالعكس نحولها لخطوة تعطينا فرص أكبر، لأن يمكن ملفاتنا ماتنافس المرشحين الثانيين، فتكون المقابلة طريقة تساعدنا على تخطيهم.والنجاح في المقابلات الشخصية يتعلق بكثير أسباب، فكرت في هذه التدوينة أني أتكلم لكم عن هذا الموضوع من جانب مختلف وأشارككم أهم النقاط اللي برأيي بتساعدكم في عمل مقابلات شخصية ناجحة كل مقابلة تحتاج تحضيرحتى لو كانت المقابلات بالنسبة لك أسهل فقرة، وكنت ماتواجه أي صعوبات هذا مايعني أنك ما تحضر للمقابلة بأنك تقرأ عن الشركة أو الجهة اللي رايح تسوي معهم المقابلة، تقرأ عن مجالهم وعن كيف شغلهم وتخمن أيش الشي اللي يبحثون عنه عشان تحاول تخلي كلامك وأجوبتك تعكس هذا الاحتياج. أمر ثاني أحيانا لما تكون رايح مقابلة في مجال معين تحتاج تتذكر أيش المؤهلات والشهادات والتجارب اللي تفيدك في مجال العمل هذا، مو كل خبراتك مطلوبة ولا كل التجارب بتضيف لك. فاختار اللي يهم الناس اللي تقابلهم والشيء اللي يبحثون عنه هو اللي تركز عليه الاستعدادفي مصادر متنوعة وكثيرة للتحضير للمقابلات، بعضها فيه تجميعات لأكثر الأسئلة اللي تواجه الناس في المقابلات الشخصية، حاول تمر على مثل هالمصادر قبل المقابلة وتجهز أجوبة تساعدك في أنك تكون طلق بإجاباتك ولا تتوتر بسرعة. بنفس الوقت لا تعتمد عليها بشكل كلي وجهز نفسك لأسئلة ماكنت متوقعها، أبعد عنك التوتر وثق أن المقابلة أسهل جزء وهدفهم بالغالب منها بس يعرفون على شخصيتك ويتحققون من الشخص اللي خلف السيرة الذاتية اللي جتهم! أهم سؤال: عرفنا عن نفسكفي احصائيات تقول أن هذا السؤال هو أكثر سؤال متكرر في المقابلات الشخصية، والإجابة عليه بشكل مثالي تتطلب منك تطبيق الخطوة الأولى: تحدث عن نفسك بالأشياء اللي تهم الجهة. لا تتوسع فالأشياء اللي ماتخدمك كثير أو اللي غير متعلقة بالموضوع. حاول تتكلم بطريقة ماتوحي فيها للطرف الثاني بأنك عندك ثقة زايدة أو غرور. تكلم بتواضع وحاول توضح أن التجربة هاذي بتضيف لك وبتكمل لك خبرتك في المجال اللي مقدم عليه. ابدأ بداية قوية، حط فيها كل ثقتك وخلي كلامك فيها مرتب وأفكارك واضحة. ليه مهتم بهذه الوظيفةالجواب على هذا السؤال أحيانا يحتاج ذكاء رغم أنه سؤال تحس أنه سهل في الوهلة الأولى، بس إجابتك عليه بتحدد للي يقابلك هل أنت فعلا مناسب، للمهمة أو المنصب أو الوظيفة هذي ولا لا. جاوب عليه بطريقة مقنعة وبأسباب تخلي اللي يقابلك يقتنع فرضا لو كانت الوظيفة ميدانية بتقول” لأنني أحب أتعامل مع الناس، اجتماعي ومتفهم بطبعي. ودائما أحل المشاكل اللي يكون سببها سوء الفهم ” ولو كانت وظيفة إدارية فرضا بتكون إجابتك:” لأني أحب أدير العمل وعندي مهارات إدارية جيدة، أقدر أتابع سير العمل ومهاراتي القيادية جيدة، مهتم بصنع بيئة عمل احترافية وإبداعية” جهز أسئلة ذكيةعادة، لما الشخص اللي يقابل ينتهي من أسئلته، يفتح المجال لك عشان تسأل، من الذكاء أنك تجهز أسئلة مناسبة وحلوة وتعطي انطباع جيد عنك، دائما أول سؤال وآخر سؤال ركز عليهم لأنهم غالبا راح يحددون رأي اللي يقابلك 50%. فهذي فرصة لك عشان تزيد احتمالية اختيارك، وبعطيكم أمثلة لهذه الأسئلة:-أيش التحديات والصعوبات اللي تواجه صاحب هذي الوظيفة؟ و كيف ممكن الجهة تساعدك في تخطي هذه التحديات؟-أيش أكثر شيء مهتمة الجهة/الشركة بتحقيقه؟-اسأل سؤال ذكي عن إنجازاتهم، شيء تبغى تعرفه وراح يعطيهم انطباع أنك مهتم-كلمهم عن موظف أو مسؤول عندهم أنت تقدره أو تحترمه. (تخلق بينك وبين اللجنة أشياء أو علاقات مشتركة)