كيف تتجاوز سلبيات استخدام التقنية في البزنس ؟

 كيف تتجاوز سلبيات استخدام التقنية في البزنس ؟ كيف تتجاوز سلبيات استخدام التقنية في البزنس؟كلنا نعترف ان التطوير مهم وضروري لنجاح أي عمل، وان المشروع اللي مايطور نفسه راح يفقد كثير ويتأخر لكن التطوير يحتاج للكثير من المجهودات، ويحتاج جرأة وقدرة واختبار، وانك تتاكد دائماً إذا الاستفادة تستحق التكلفة اللي تصرفها على هذا التطوير من اشتراكات ومن تدريب للموظفين عليها ومن تكاليف صيانة وترتيب! برامج لكل شي، بس ايش أحتاج؟من أصغر شغلة لأكبرها، من المهمة الأكثر تعقيداً لأصغر مهمة راح تلاقون انه لكل مشكلة حل ولكل طريقة صعبة طريقة سهلة، ولكل عمل طريقة تنفيذ أكثر سهولة، في التسويق، في الرد على العملاء، في ادارة المخزون حقك، في استقبال الطلبات، في التوصيل وفي كثير أشياء ثانية.. النقطة هي أنك تستغل هذه الخدمات وتحاول دائماً تسأل على الجديد دائماً. لكن الأشياء دائماً مثل مالها ميزات لها سلبيات، والحلول التقنية لها جانبها السلبي. من الأشياء اللي لاحظتها انك لو حاولت تستخدم التقنية بكل شيء راح تلقى نفسك مشتت ببرامج ومنصات كثيرة، وشغلك يتفرق بينهم والتواصل بيصير صعب وأنت تحسب انك بتسهله. الحل بالنسبة لي إني أدرس عملي وأعرف ايش يحتاج من حلول تقنية كل فترة واعتمد على الي اكتشف اني احتاجه وراح يزيد كفاءة العمل عندي، مو كل حل تقني تحتاجه، ممكن يكلفك أكثر ولا يضيف لك. الإتصال بالانترنت!لو كنت معتمد على التقنية في كثير من اجراءات عملك، راح تواجه مشكلة أن الانترنت ضعفه او انقطاعه راح يوقف شغلك ويعطل سير العمل عندك، وهذا ممكن يخسرك كثير أشياء، أولها عملاء مارح يقدرون هذا العذر وراح يعتبرون أنك أهملت عملك أو ان شغلك غير احترافي. احتاط لهذا الموضوع وخلي عندك “بلان بي” لأي مشكلة في الاتصال والشبكة. الاختراق والدخول غير المصرح بهمن المشاكل الواردة والناتجة عن البرامج اللي نفتحها بكل الأجهزة (جوالات، أجهزة كمبيوتر شخصية ) ونشاركها مع الموظفين واللي يعنيهم الموضوع، انه قد يحصل انه أحد يدخل على البيانات ويستغلها أو يستخدمها بغير تصريح، علاوة على ان هذا يصير بالخطأ وبدون انتباه المسؤولين فالمفروض كل فترة تركز على أنك تنبه الموظفين على تأمين حساباتهم وأجهزتهم وتغير كلمات المرور والرموز السرية من فترة لفترة. أما بالنسبة للاختراق والحماية من الفيروسات والبرامج الضارة بأجهزتك ومعلوماتك، هنا لازم تحاول تسأل المختصين من فترة لفترة وتحاول انك تستفيد من نصائحهم عن برامج الحماية الأفضل لك وطرق العمل عليها وغيرها، وطبعاً تدريب الموظفين على كيفية حماية أجهزتهم وكيف يتجنبون المواقع والتحميلات الضارة بأجهزة الشغل مهم جدا. الاشتراكات والتكاليف الدوريةمن أحد الاشتراكات اللي تعلمت منها، اشتراكي في برنامج التجارة الإلكترونية بمبلغ وقدره، المبلغ كان كبير بس أنا كنت مبسوطة إنه سهّل علي أشياء كثير. ولما بحثت أكثر قرأت مقالة تقارن بينه وبين برنامج يقدم نفس الخدمة وأرخص من اللي أنا مشتركة فيه. فكرت أبقى على برنامجي لأني تعودت عليه والموظفين صاروا يعرفون له، لكن لما حسبتها صح لقيت أنه خطأ استمر على البرنامج وأنا أقدر أوفر تكاليف كبيرة تنقص من هامش ربحي بس عشاني تعودت عليه وهذا مبدأ لازم أصلاً ألغيه من طريقة تفكيري، التعود على الشيء لا يفرض توقفنا عن البحث عن الحلول الأفضل لعملنا والأكثر توفير. وراح تلاقون ان الحلول التقنية للشركات نادراً ماتكون مجانية، وبتحتاج كل فترة إعادة اشتراك فهذا يتطلب منك انك دائما تبحث وتقارن وتسأل عن الأفضل لك ولعملك.