ليش نحتاج خطة مبيعات؟

ليش نحتاج خطة مبيعات؟ من أهم عوامل نجاح المشاريع وأوضح شيء نقدر نقيم من خلاله ونقول: هذا مشروع ناجح؟ ولا مو ناجح؟ هو قدرته على أنه يبيع منتجاته وخدماته ويحقق نمو كل فترة أكثر من الفترة اللي قبلها، ومصدر دخل المشروع الأساسي هو المبيعات دائما!تخيلوا لو أنكم عندكم مشروع، كل شيء مسوينه صح فيه ومرتبين البزنس مودل كامل. لكن ماعندكم تصور عن المبيعات كيف بتكون، ولا كميتها، ولا كم راح تصرفون عليها. أكيد بتحسون أنكم ضايعين ومافيه دليل أو خط واضح تمشون عليه! وش هي خطة المبيعات؟ وأيش الفرق بين خطة المبيعات وتنبؤات المبيعات؟باختصار خطة المبيعات هي عملية تقدير للمبيعات المستقبلية اللي راح تحصلها خلال فترة. ممكن تكون سنة أو ربع سنة أو شهر واحد وتنظيم المصروفات وميزانية تحقيق هذه الأرقام. وتنبؤات المبيعات هي نتيجة للخطة أو مخرجاتها لأنها هي التصور والتوقع الناتج من الخطة. تنظيم الأعمال وتقليل من الجهود الضائعةمثل ما إن التخطيط بأي شكل ولأي مهمة عامل مهم من عوامل نجاح أي مهمة، فالمبيعات من الأشياء الأساسية اللي بتقوم عليها مشروعك ويستمر بسببها، لذلك لو خططت لكل شيء مايغنيك عن أنك تخطط للمبيعات.مع خطة مبيعات راح تلاحظ أنك تنظم جهودك وجهود فريقك وتوجهها للطرق اللي راح تبيع من خلالها منتجاتك. من ضمن الأشياء اللي خططتها في جدولي منافذ البيع اللي راح أبيع من خلالها والطرق اللي راح أقيم فيها المنتجات اللي أنزلها.كمان يقدر فريق المبيعات أنه يحدد أهدافه ويعرف التارقت حقه وكيف ممكن يوصل له، لأن لو ماحددتوا لكم هدف معين مارح تتحمسون على أنكم تنجزون نسبة معينة أو رقم محدد في المبيعات. والجهود اللي نبذلها راح تكون مدروسة. مين المسؤول وماهي المهام؟لو لاحظتوا شركات التجزئة الكبيرة تحدد لكل فرع من فروعها نسبة معينة من المبيعات يحققونها خلال فترة معينة: شهر، أسبوع وغيرها، ودائما تعطي حوافز ونسب من المبيعات للبائعين. لأن البائع لما تكون له نسبة من اللي يبيعه راح يحاول يقنع العميل أكثر ويحببه في المنتج أكثر بأسلوبه وطريقته في البيع. ونفس الشيء بالنسبة لك كصاحب مشروع صغير راح تكون عارف كم المفروض تحقق كل شهر من المبيعات ومتى تكون حققت الهدف ومتى تكون مبيعاتك منخفضة وتحتاج إنعاش!يمكن تعتمد كثير من الخطط الإدارية للمشروع على المبيعات، فخطة التسويق راح يكون هدفها زيادة المبيعات، بالتالي خطة المبيعات راح تأثر وتؤثر فيها. لازم ننسق بين الخطط الموسمية بحيث تدعم بعضها. ميزانية المبيعاتكيف راح تحدد ميزانية لقسم المبيعات إذا ماسويت خطة؟ وهنا نقطة يدركها صاحب المشروع عند الصرف بشكل غير منظم على المبيعات لدرجة بعد فترة قد يكتشف أن تكلفة المبيعات تتجاوز المبيعات لبعض المنتجات! بس مع الخطة راح نقدّر ونتوقع كم راح نصرف! ومتى نصرفه؟ ولو تجاوزنا الحد الي حاطينه راح نسأل أنفسنا ليه؟ هل كانت الميزانية أقل؟ هل مصاريفنا أكثر ونحتاج أننا نوفر أكثر؟ هل المنتجات اللي نصرف على بيعها مجدية وبترجع اللي انصرف عليها؟ والأجوبة على هذه الأسئلة راح تساعدنا كثير في أننا نسوي خطط مبيعات ناجحة كل مرة وتتوافق مع قدراتنا وطموحاتنا بنفس الوقت! التنافسية!من الأشياء اللي فادتني كثير فيها خطة المبيعات أني قدرت أوفر وأقلل من تكاليف البيع اللي أصرفها وبالتالي أقدر أقدم منتجاتي بسعر أقل من أغلب منافسيني، حتى كانوا بعض العملاء يسألوني وش تربحين إذا سعرك كذا منخفض؟ لكن الموازنةهي العامل الأساسي لربح المنافسة وخفض السعر! كذلك ساعدتني على تحديد المنتجات اللي ناجحة معاي واللي فقط أصرف عليها تسويق ومبيعات ولا تنباع بشكل جيد، وهذا عامل مهم خلاني أركز على دعم المنتجات الناجحة والماشية وأقلل من الصرف والتسويق على غيرها وشوي شوي اختبرهم وأقدر فعلا استبعد منتجات نهائيا. وبنفس الوقت قدرت أني أطور من المنتجات اللي حبوها الناس وأوفرها بشكل أكبر وأسوق لها وأهتم فيها. أيش مواصفات خطة المبيعات الناجحة؟1- معقولةدائما تعتمد خطة المبيعات الناجحة على منطقيتها وملائمتها للمرحلة اللي يمر فيها مشروعك، مو معقول أنك راح تسويها بأرقام لازالت بالنسبة لك حلم وماتحس أنك ممكن تحصلها في الفترة اللي حدتتها!2- بسيطةكلما كانت الخطة سهل فهمها و كل الفريق فاهمها وعارف تفاصيلها لكلما كانت خطة ناجحة، والتبسيط ممكن حتى لو كانت الخطة شوي فيها تفاصيل، أهم شيء أنه الجميع يكونون قادرين على أنهم يفهمونها وبالتالي تأثر على آدائهم إيجابيا.3- اقتصاديةكلما كانت الخطة توفر عليها جهود وتكاليف مصاريف وبنفس الوقت هي نفسها ماتكون مكلفة عليك كلما كانت خطة ناجحة، لأن هذا هو الهدف منها أصلا .. توفير الجهد والمصاريف اللي نقدر أننا نخصمها.